25. mai

 

Bli med på ein fortryllande kveld med Josefin Winther. 25. mai konsert på det aller beste scena i Verdensarvfjorden – takterrassen ved Havila Hotel Geiranger.

Josefin Winther debuterer som forfattar og gir ut “Til Vega” som både er ei bok og ein EP som ho har skrive og komponert undervegs i prosessen med å få barn.

Ho skriv mellom anna: «Før var du en gassballong. Du svevde rundt der oppe mellom skyene, mellom stjernene, og jeg holdt i en usynlig snor her nede. Du hadde fått et navn lenge før du var noe som helst. Du var, lenge før du var. Lett som en fjær, og helt uvirkelig for alle andre enn meg. Nå er du tung, og virkelig for alle. Så tung at ryggen min verker. Så tung at jeg har begynt å ta heisen. Så tung og at jeg vagger når jeg går.»

I samband med at ho gir ut «Til Vega», spelte ho ei rekke lanseringskonsertar i vinter og kjem no til Geiranger. Sjå live for oversikt over konsertane. 

Josefin Winther har sidan ho debuterte i 2006 hausta stor anerkjenning for liveframføringar. Alt som 19-åring fekk ho platekontrakt og ga ut EP. Winther har sidan den gongen gitt ut sju studioalbum, fått strålande kritikkar og gjort suksess som låtskrivar, mellom anna med Norges vinnarlåt i MGP 2014. Hausten 2019 debuterte ho med sitt første norskspråklege album, turnerte i Canada og Norge og fekk overveldande publikumsrespons på sine liveframføringar. Hun er kjent for sitt gripande nærvær og kraft på scenen der ho kan fange eit kvart rom åleine med gitaren. Signaturen er intense liveframføringar der ho delar frå tankar og følelsar, og det gjer ho like gjerne med eit smil om munnen som med ei tåre i augekroken.